გამოვიდა My Profile აპლიკაციის ახალი 2.5.0 ვერსია, რომელიც მომხმარებლებს სთავაზობს კიდევ უფრო სრულფასოვან და თანამედროვე გამოცდილებას. განახლებაში დამატებულია სრულიად ახალი სერვისი „ავტო ასისტენტი“ რომელიც შექმნილია ავტომფლობელების ყოველდღიური კომფორტისა და უსაფრთხოებისთვის.

„ავტო ასისტენტის“ საშუალებით მომხმარებლებს შეუძლიათ დაამატონ საკუთარი ავტომობილი აპლიკაციაში და რეალურ დროში აკონტროლონ მასთან დაკავშირებული მნიშვნელოვანი ინფორმაცია. სერვისი მოიცავს:

• საპატრულო და პარკირების ჯარიმების მონიტორინგს – სისტემაში ავტომატურად აისახება ყველა დაფიქსირებული ჯარიმა, რაც მომხმარებელს საშუალებას აძლევს დროულად მიიღოს ინფორმაცია დარღვევებზე;
• ტექნიკური ინსპექტირების დაგეგმილი თარიღის კონტროლს – აპლიკაცია შეგახსენებთ წინასწარ, რათა არ გამოგეპაროთ რეგულარული ტექინსპექტირების გავლის ვადა;
• ავტომობილის ტექნიკური მდგომარეობის მონიტორინგს – რეალურ დროში შეგიძლიათ დააკვირდეთ ავტომობილის მდგომარეობას, ძირითადი სისტემების მუშაობას და სერვისული საჭიროებების სტატუსს;
• ცვეთადი ელემენტების ცვეთის დონის შეფასებას – სისტემა გთავაზობთ ინფორმაციას ისეთ კომპონენტებზე, როგორიცაა ზეთი, ფილტრები და სხვა, რათა დროულად მიიღოთ საჭირო ზომები.

„ავტო ასისტენტი“ შექმნილია იმისთვის, რომ ავტომობილის მართვა და მოვლა იყოს უფრო მარტივი, მოსახერხებელი და უსაფრთხო.